Dä Samichlaus i dä Oase am Rhii

Es Rehli gumpet über d Winterwiis
verusse schneits ganz fiin und liis.

Dänn springts direkt in Wald
es weiss de Samichlaus chunt bald.

Vo wiitem gsehts es chliises Liecht
und s Glöggli ghörts au lüüte.

Jetzt weisses es isch scho ader Zyt
de Chlaus chunt und sin Wäg isch wiit.

Es seit ja grüessti wohl Herr Samichlaus
säg gasch scho zu de Seniore id Oase?

Er lacht und seit ja mis Reh,
die hend mi über es Jahr nümm gseh.

Er gitem öpis us em grosse Sack und streichlet fiin sii Fäll,
dänn seit er, jetzt mueni gah ich chan
d`Seniore nümm länger warte la.